Så møtes vi att selbu

Fjorårets selbumaraton førte til ein aldri så liten selbutørke i 2012. No er snart året omme, og på tampen av året fekk eg ny giv. Akkurat i passe avstand til jul. Resultat: 2 par damevottar, 2 par barnevottar, 3 par babyvottar, 1 par babysokkar og eit par damevottar på pinnane. Herrevottar tek for lang tid, så menn blir diskriminert for tida. Eg ber om orsak, det er ikkje meininga å vere kjip.

Selbuheftet er no så godt brukt at arka dett av heftet. På tide med nytt?

Bamboo-style

Det har komen ein verdsborgae til verda, og eg fekk eit akutt behov for å strikke noko til han:

Veksejakke frå nøstebarn. Eg klarte det på to dagar, då hadde eg rett nok fri, men er særs nøgd med innsatsen. Kanskje det vert fleire sånne?

Historia om babyteppet som vart eit sjal

Eg skulle strikke eit babyteppe, men før eg var komen halvvegs var eg lei. Sidan eg strikka på skrått fellte eg av når eg nesten var ferdig med hespet, så då vart det eit trekantsjal istaden.

Det var historia om babyteppet som vart til eit sjal.

Babyteppet fekk vere med på cafe før eg sendte det vekk i posten