januarstrikk

Dei siste vekene har vore medium produktive. Eg har gjort ferdig ikkje mindre enn 4 plagg! To par votter, ein body og ei undertrøye. Halvparten er solgt, og halvparten ligg til slags i eplabutikken min! Spent på korleis dei ser ut?

Først ut er undertrøye til baby, strikka i nøstebarnmønster og ull. Vart strikka siden eg ikkje visste kva eg ville strikke, og eg ville strikke noko som gjekk fortare enn genseren som eg strikkar til meg sjølv. Resultat:

Neste nøstebarnprodukt ut er denne bodyen. Nøstebarn gav ut eit mønsterhefte i haust, som eg ikkje fekk kjøpt før no. Bodyen var rask og kjekk å strikke, rillestrikk er jo nemlig sjelden feil. 1 veke brukte eg på dette vidunderet:

Til slutt: Vottar sjølvsagt. Eit par i finull, fordi dei har kulare fargar, eit par i gammalserieulla, fordi det er eit varmt og deilig garn:

Genseren ligg brakk litt til. No skal eg strikke ferdig eit babyteppe, og eg må strikke opp alt pt5 garnet frå julepresangane!

Godt nyttår!

2013 er over, og me ønskjer 2014 velkommen.

I 2013 strikka eg ei trøye til meg sjølv, ein genser, ein tunika og nokre sokkar. Ellers har eg strikka fleire sokkar, mangen votter, nokre huer og litt babystash. Det meste er allereie dokumentert og synt fram her på bloggen.

I 2014 er planen å fortsetje å strikke. Eg held på med ein genser, eit babyteppe og inatt gjorde eg ferdig ein jakke som eg har tenkt å strikke i over eit år. Igjen var det trollungejakke, den hadde eg tenkt å strikke i over eit år. No er den ferdig.

Den var vel heilt grei?


Eg er allereie lei av å strikke på genseren min. Den er egentlig kjekk å strikke, men eg veit at det kjem til å gå vinter (eller som me kallar det her på vestlandet: haust) og vår før den er ferdig. Så då må det litt småstrikk til innimellom. Eg vil jo og lage plagg eg kan selgje, slik at eg kan få gjennomføre min planlagte rammstein-stalkertour 2014. Dei må berre legge ut konsertplanen sin slik at eg kan ordne med fri og slikt.

No er planen å strikke selbuvotter i spreke farger. Sist eg strikka selbuvotter så vart dei litt store. Ikkje veldig store, berre litt store, noko som gjer at eg vurderer å gå ned ein størrelse i pinnar. Då er eg redd eg går i samme fella som sist, at dei blir veldig små. Då kan eg selgje dei som barnevottar, her gjelder det  å sjå løysningar, og ikkje problem. Det har eg nemleg lært på jobb!

Ha ei god strikkeveke alle sammen!